د پکتیا ولایت کروندګرو ته د ځمکې لاندې اوبو له سرچینو څخه د عادلانه او اغیزمنې ګټې اخیستنې په هکله سمینار دایر شو
دغه سمینار د پکتیا ولایت د سیندیزې فرعي حوزې او ولایتي کمیټې له لوري د پکتیا مرستیال والي الحاج شیخ انعام الله صلاح الدین، د پکتیا ولایت د سیندیزې فرعي حوزې رئیس الحاج مولوي محمد کریم فاتح، سیمه ییزو مسئولینو، قومي مشرانو او ګڼ شمیر کروندګرو په شتون کې ترسره شو او د اوبو سرچینو د ساتنې، اغیزمنې ګټې اخیستنې، د اوبو د مدیریت، وچکالي، د اوبو لګولو د نویو سیسټمونو، د کرنيزو نباتاتو او بوټو د کرکيلې او د اوبو د اړتياوو په هکله پریزنتیشنونه وړاندې شول.
په یاد سمینار کې د پکتیا سیندیزې فرعي حوزې رئیس الحاج مولوي محمد کریم فاتح د اوبو سرچینو د ساتنې، سمې ګټې اخیستنې او د اوبو د بې ځایه مصرف د مخنیوي په هکله وینا وکړه او له کروندګرو څخه یې د اوبو د لا غوره مدیریت په برخه کې د همکاري غوښتنه وکړه.
