د ډاکټر ناکامورا د اوبو لګولو د طرحو عملي کولو او همغږۍ په موخه ويډيوي کنفرانس تر سره شوه.

په دغه کنفرانس کې د اوبو چارو د تنظیم ملي ادارې عمومي رئيس ښاغلي انجنیر خان محمد تکل، د دغه ادارې د اوبو د تنظیم رئيس انجنیر نعیم الله سالارزی، د اوبو لګولو او اوبو رسولو رئيس انجنیر وفي الله سیدي، د JICA ادارې د دفتر مسؤلینو، د PMS دفتر مسؤلینو او په افغانستان کې د FAO دفتر مسؤلینو ګډون کړی وو.

ښاغلي تکل د اوبو پروژو پلي کولو کې د JICA ادارې او نورو ادارو له همکاریو څخه قدرداني وکړه او په هېواد کې یې د ناکامورا د طرحو او د اوبو مدیریت پراختیاي پروژو د تطبیق په برخه کې د PMS رول اړین یاد کړ.

د PMS د اوبو لګولو پروژو تطبیق سره به د هېواد په شرقي ولایتونو په ځانګړي ډول په ننګرهار او کونړ ولایتونو کې ډير شمېر د اوبو لګولو کانالونه ورغول شي.

د اوبو چارو د تنظیم ملي اداره