د کابل سیندیزې حوزې عمومي ریاست مسؤلینو د پنځمې ناحیې اړوند د شته سطحي اوبو د ذخیره کولو او له دغه اوبو څخه د خځلو راټولولو لپاره د ترسبګاوو سروې ترسره کړه
د کابل سیندیزې حوزې عمومي رئیس ښاغلي انجنیر حبیب الرحمن حقپال او ورسره مل تخنیکي ټیم د کابل ولایت د پنځمې ناحیې اړوند د سیلو عمومي سړک او دیوان بیګي له سیمو څخه لیدنه وکړه.
په یادو سیمو کې د کابل ښاروالي کارمندان د پارکونو او پلې تلونکو لارو شنو ساحو د خړوبولو لپاره د ځمکې لاندې اوبو څخه ګټه اخلي او هغوی ته وویل شول چې، د دې ستونزې د هوارولو په موخه دې کوښښ وشي چې د ځمکې لاندې اوبو پر ځای د سطحې اوبو څخه د شنو ساحو د خړوبولو لپاره ګټه واخیستل شي.
د یادولو وړ ده، چې څه موده وړاندې له دغو سطحې اوبو څخه نمونې اخیستل شوې وي او په لابراتوار کې ټسټ شوې چې په پایلې کې د کرنې لپاره د ګټې وړ بلل شوي.
