د کابل سیندیزې عمومي حوزې رئيس د کابل ولایت د مقام له یو شمېر رئيسانو سره وکتل
د کابل سیندیزې عمومي حوزې رئیس ښاغلي انجنیر حبیب الرحمن حقپال او د منځنۍ کابل سیندیزې فرعي حوزې رئيس ښاغلي مولوي ولي محمد تائب د کابل ولایت له یو شمېر رئيسانو سره وکتل او د شاه وعروس بند د پاتې چارو د بشپړولو او متضررینو ته د استملاک شویو کورونو په بدل کې د نومرو د وېش په هکله بحث او د نظر تبادله وکړه.
په یاده ناسته کې پرېکړه وشوه چې په راتلونکې اونۍ کې به د کابل ولایت د مقام په مشرۍ به د ټولو اړونده ریاستو د رسمي استازو ګډ ټیم ساحې ته معرفي کېږي، ترڅو د ښارګوټي لپاره د بانک له ځمکو څخه بدیله ساحه په نښه، پلان او راپور یې ترتیب کړل شي او د توزیع د امر اخیستلو لپاره دې ښاغلي امیرالمؤمنین ته وړندیز کړل شي.
