د کابل ولایت اړوند د خینکوټ کانال د بیارغونې او ظرفیت لوړولو عملي چارې به په نږدې راتلونکي کې پیل شي
د کابل ښار د سویل ختیځو سیمو د ځمکې لاندې اوبو د تغذیې په موخه د کابل ولایت اړوند د خینکوټ کانال د بیارغونې او ظرفیت لوړولو د سروې او ډیزاین چارې پای ته رسیدلې دي او د بیارغونې عملي چارې به یې هم په نږدې راتلونکي کې پیل شي.
د یادونې وړ ده، چې د منځنۍ کابل سیندیزې فرعي حوزې تخنیکي ټیم او د یاد کانال د اوبو ګټه اخیستونکو ټولنې له لوري د کابل ولایت د چهارآسیاب ولسوالي څخه د کابل تر ښار پورې د خینکوټ کانال څخه د فاضلابو سیسټمونو د لرې کولو او پاکاري چارې هم پیل شوې.
