د کمال خان ساتونکو ته دې بریا مبارک وي.
کرېکټ هغه لوبه ده چې تل یې افغانانو ته په سختو حالاتو کې خوښۍ ور بښلې او د کرېکټ اتلانو هېواد ته ویاړونه راوړي.
نن د افغانستان په کرېکټ بورډ کې د کمال خان بند د پرانیستې په ویاړ، د کمال خان د جوړونکو او کمال خان ساتونکو تر منځ لوبه ترسره چې د کمال خان ساتونکو د لوبې بریا خپله کړه.
دغه سیالۍ د کمال خان بند د بشپړېدو په ویاړ په لاره اچول شوې وه، چې په پای لوبه کې یې د چارو د ادارې لوی رئيس ډاکټر فضل محمود فضلي او د اوبو چارو د تنظیم ملي ادارې لوی رئيس ښاغلي انجنیر خان محمد تکل، د ملي رادیو تلویزیون لوی رئيس اسماعیل میاخیل او ګن شمیر نورو هم ګډون کړی و.
د لوبې په وروستیو کې ښاغلي تکل د کمال خان ساتونکو لوبډلمشر ګلبدین نایب ته ایوارډ ورکړ.
د اوبو چارو د تنظیم ملي ادارې مشرتابه د کرېکټ بورډ له رهبرۍ او د کرېکټ اتلانو څخه د زړه له تله مننه کوي چې د کمال خان په خوښيو کې یې ونډه واخیستله او هېوادوالو ته یې لا نوره خوښي ور په برخه کړه.
د اوبو چارو د تنظیم ملي اداره
