د یو شمېر موضوعاتو د څېړلو په هکله د اوبو معینیت اونېزه تخنیکي ناسته ترسره شوه
یاده ناسته د اوبو او انرژي وزارت د اوبو معین محترم مجیب الرحمن عمر آخندزاده تر مشرې لاندې د اوبو سکتور د رئیسانو، سلاکارانو او تخنیکي مسؤلینو په ګډون د یاد معینیت د غونډو په تالار کې ترسره شوه.
په دې ناسته کې د بېلابېلو موضوعاتو په ځانګړې توګه د کابل ولایت په پغمان ولسوالي کې د قرغې بند او په غزني ولایت کې د سردې بند د ساتنې او مراقبتي فعالیتونو په هکله بحث او د اندونو تبادله ترسره او اړین تصمیمونه ونیول شول.
د اوبو ښاغلي معین د نوموړو چارو د غوره ترسره کولو په پار اړوندو مسؤلینو ته اړین هدایات ورکړل.
