د ۷۷ ترکي شرکت له مسؤلینو سره د کجکي برېښنا بند د پاتې چارو د بشپړېدو او د ستونزو د حل په موخه د همغږۍ ناسته ترسره شوه.
د اوبو او انرژي وزارت د اوبو معین محترم مجیب الرحمن عمر آخند زاده د ۷۷ ترکي شرکت له رئیس ښاغلي سلیمان جلیو او د همدې شرکت له مرستیال ښاغلي بوراک اونسال سره د هلمند ولایت د کجکي برېښنا بند د پاتې چارو د بشپړېدو او د ستونزو د حل په موخه د همغږۍ ناسته ترسره کړه.
د اوبو او انرژي وزارت د اوبو معین محترم مجیب الرحمن عمر آخند زاده په افغانستان کې د ۷۷ ترکي شرکت له فعالیتونو خوښي څرګنده کړه او ټینګار یې وکړ ترڅو د کجکي بند پاتې چاري پهٔ ښهٔ کیفیت سره بشپړې شي او همدار راز يې د یاد شرکت مسؤلین په هیواد کې د نورو حیاتي پروژ پلي کولو ته راوبلل.
د ناستې په دوام د ۷۷ ترکي شرکت مسؤلینو د کجکي برېښنا بند د پاتې چارو پهٔ ښهٔ شکل د ترسره کولو او د ستونزو د حل په هکله ډاډ ورکړ او زیاته یې کړه چې په افغانستان کې د نورو بندونو جوړولو اړوند تخنیکي همکاریو ته چمتو دي.
په پای کې، دواړو لورو د چارو په چټکتیا او همغږي باندې هوکړه وکړه.
