غزني ولایت کې د سردې بند اوبه د ځمکو د خړوبولو په موخه خوشې شوې
د غزني ولایت د سیندیزې فرعي حوزې ولاړو اوبو ریاست د مسؤلینو له لوري د اندړو او ګیرو ولسوالیو د امنیه قومندانانو او ټولو کانالونو د استازو په شتون کې د سردې بند اوبه د نوموړو ولسوالیو د ځمکو د خړوبولو په موخه خوشې کړې.
د نوموړي بند اوبه د اندړو او ګیرو ولسوالیو د ۳۰ زره هکتاره ځمکې د خړوبولو په موخه د ۹ ورځو لپاره خوشې شوې دي.
همدغه راز، د نوموړې حوزې مسؤلینو د غزني ولایت اندړو ولسوالي کې د سردې بند په سواحلو کې د نیالګیو قورې او نمونوي بڼ د جوړېدو د چارو له بهیر څخه چې چارې یې ۸۵ سلنه پرمخ تللې دې، څارنه وکړه او اړوندو مسؤلینو ته یې اړینې سپارښتنې وکړې.
