غزني ولایت کې د ۳۵۰۰۰ آمریکايي ډالرو په لګښت د اوبو رسولو یوه پروژه ګټې اخیستنې ته وسپارل شوه
د غزني ولایت د قره باغ ولسوالي په دېګانانو کلي کې د اوبو رسولو یوه پروژه د غزني ولایت د اوبو او انرژي رئیس مولوي محمد شفیق منصور عمر، د قره باغ ولسوال الحاج رازمحمد عبدالقهار، د غزني ولایت د ډي، آر، سي موسسې د ولایتي دفتر مسؤول انجنیر هاشمي او د قومي مشرانو په شتون کې ګټې اخیستنې ته وسپارل شوه.
نوموړې پروژه د ۳ کېلو متره اوږدوالي او د ۳۶ متر مکعبه اوبو د ذخیره کولو وړتیا په درلودلو سره د غزني ولایت د اوبو او انرژي ریاست تر څارنې لاندې د ډي، آر، سي مؤسسې لخوا د ۳۵۰۰۰ امریکایي ډالرو په لګښت جوړه شوه.
د یادولو وړ ده چې نوموړې پروژه ۲۱۰ کورنیو ته د څښاک اوبه برابروي چې په هغې کې ګڼ شمېر ځایي اوسېدونکو ته د کار زمینه برابره شوې وه.
