غزنی ولایت کې د 91 کانالونو لمړنۍ سروې ترسره شوه
د غزني سیندیزې فرعي حوزې د ولاړو اوبو ریاست تخنیکي ټیم د غزني ولایت په پنځو ولسوالیو کې د 91 کانالونو لومړنۍ سروې ترسره کړه.
په دغهٔ سروې کې د کانالونو د اوږدوالي، د هغو اعظمي او شته بهیر او د خړوبولو د وړتیا سروې وشوه، چې 20 کانالونه په رشیدانو، 24 په ناهور، 22 په اجرستان، 6 په مالستان او 19 په جاغوري ولسواليو کې سروې شوي دي، چې د دغو کانالونو د چارو د پیلېدو لپاره به له اړوندو مراجعو سره شریک شي.
له بلې خوا د اوبو او انرژي وزارت تخنیکي ټيم د غزني سیندیزې فرعي حوزې د کارمندانو په همکاري د غزني ولایت د زنخان، سلطان، سردې، بهایي او باغچرې بندونو څخه د حفظ او مراقبت سروې ترسره کړه، چې راتلونکي کال کې به په پلان کې ونیول شي.
