لوګر سیندیزه فرعي حوزه کې د اوبو د ضایعاتو د مخنیوي او د کانالونو د پاکاري په هکله ناسته ترسره شوه
دغه ناسته د لوګر سیندیزې فرعي حوزې رئيس محترم ملا محمد اسماعیل آخندزاده تر مشري لاندې د دغه ریاست د تخنیکي ټیم او د حسن کانال د مشترکینو په شتون کې ترسره شوه.
په دغه ناسته کې، ښاغلي آخندزاده د اوبو د اهمیت، د اوبو د ضایعاتو د مخنیوي او د کانالونو د پاکاري په هکله خبرې وکړې او له ګډونوالو څخه وغوښتل چې د حسن کانال رسوبات پاک او د ځمکو په خړوبولو کې د ژورو څاګانو له اوبو څخه ګټه پورته نهکړي، ځکه چې اوس د لوګر په سیند کې کافي اوبه شتون لري.
همدارنګه، د حسن کانال مشترکینو له رسوباتو څخه د کانال په پاکاري او د اوبو د ضایعاتو د مخنیوي په برخه کې ژمنه وکړه.
