لوګر ولایت کې د دریو پروژې چارې د نږدې دوه سوه زره آمریکايي ډالرو په لګښت بشپړې او ګټې اخیستنې ته وسپارل شوې
لوګر ولایت کې د حسن کانال د ټينګښت، د لشکرخېلو کلي سیفون او د مغلخېلو کانال د پروژو چارې د ۱۹۸ زره آمریکایي ډالرو په لګښت بشپړې او د لوګر والي محترم قاري صلاح الدین ایوبي، د لوګر د اوبو او انرژي رئيس محترم ملا محمد اسماعیل آخندزاده، د لوګر د اوبو او انرژي ریاست تخنیکي سلاکار محترم انجنیر فضل الرحمن عمرزي او د سیمې د ګڼ شمېر اوسیدونکو په شتون کې ګټې اخیستنې ته وسپارل شوې.
نوموړې پروژې ۲۵۰۰ هکتاره کرنیزه ځمکه خړوبوي، چې ۸ زره کورنۍ ورڅخه په مستقیم او غیر مستقیم ډول ګټه پورته کوي.
د نوموړو پروژو چارې د یو، این، ایف، اي، او موسسې په مالي ملاتړ د لوګر د اوبو او نرژي ریاست تر څارنې لاندې پرمخ وړل کېدې.
