لوګر ولایت کې د سیلابونو د خبروونکو دستګاوو د نصبولو په موخه لومړنۍ سروې ترسره کېږي
د لوګر د سیندیزې فرعي حوزې رئيس محترم ملا محمد اسماعیل آخندزاده او د دغه ریاست تخنیکي سلاکار محترم انجنیر فضل الرحمن عمرزي د یو، این، دې، پې دفتر له مسؤلینو او د کابل عمومي سیندیزې حوزې له سلاکار محترم انجنیر حبیب الرحمن امیني سره وکتل او په لوګر ولایت کې یې د خبروونکو دستګاوو د نصبولو د لومړنۍ سروې په موخه بحث او د اندونو تبادله وکړه.
په دغه لیدنه کې، ښاغلي آخندزاده د سیلابونو د نصب د ارزښت په هکله خبرې وکړې او د دغو دستګاوو د نصبول یې اړین وګڼل او په دې هکله ترتیب شوی پلان تشریح شو.
ټاکل شوې ده ، چې د لوګر د سیندیزې فرعي حوزې په همغږي سره د نوموړو دستګاوو د نصب په موخه لومړنۍ سروې ترسره شي.
