هلمند عمومي حوزوي ریاست کې د اوبو د سپما او سالم مدیریت په هکله یو ورځنی سمینار ترسره شو
دغه سمینار د هلمند عمومي حوزوي رئيس محترم الحاج قاري عبدالهادي هادي، د دغه ریاست د مسؤلینو او یو شمېر نورو سیمه ایزو مسؤلینو په شتون کې ترسره شو.
د هلمند عمومي حوزوي رئيس په دغه سمینار کې د اوبو پر سرچینو باندې د اقلیمي بدلونونو د اغېزو په هکله خبرې وکړې او زیاته یې کړه، که چېرې اوبه په سالمه توګه مدیریت نهشي، نو راتلونکي نسلونه به مو د اوبو له کمښت سره مخامخ شي. همدارنګه، هغه د اوبو پر سپما او سالم مدیریت باندې ټینګار وکړ.
