پاشدان بند څخه د هرات پوهنتون استادانو او محصلینو لیدنه
د هرات پوهنتون یو شمېر استادانو او محصلینو د یو علمي سفر په ترڅ کې د تخنیکي چارو زده کړو او علمي څېړنو په موخه د پاشدان بند څخه لیدنه وکړه.
په دغه سفر کې د مرغاب هریرود سیندیزې حوزې عمومي رئيس عمر اسحاق او هرات سیندیزې فرعي حوزې رئيس حسن فضلي د پروژې مختلفو تخنیکي برخو په اړه د هرات پوهنتون محصلینو ته معلومات ورکړل.
د یادونې وړ ده چې د اوبو د چارو د تنظیم ملي اداره د پوهنتونونو او محصلینو سره په دغه ډول علمي سفرونو کې همکاره ده او د دغه ډول علمي برنامو زمینه ورته برابروي.
دغه اداره تر اوسه پورې په دې توانېدلې چې ډير شمېر محصلینو او کار کوونکو ته د کار او زده کړو زمینه برابره کړي چې د مثال په توګه په پولتخنیک پوهنتون کې د اسیا پراختیاي بانک په مرسته د دغې ادارې کار کوونکو لپاره د ماسټري پروګرام، د جاپان هېواد د تحصلي بورسونو زمینه برابرول، د فورټسکیو کمپنۍ سره د دغې ادارې کار کوونکو لپاره د هوکړه لیک لاسلیک او د دغې ادارې ۷۴ تنه چې د لوړو زده کړو وزارت لخوا پېژندل شوي یادونه وکړو.
