په اوبو او انرژۍ وزارت کې له خصوصي شرکتونو سره د عام المنفعه ۱۱ پروژو قراردادونه لاسلیک شو.

د اوبو او انرژۍ وزارت سرپرست ښاغلی انجینر محمد گل خُلمی نن ( د ۱۳۹۸ کال د تلی ۲۸ نیټه) د کانالونو د بیارغونه، د سواحلو تحکیم او په ۵ ولایتونو ( بلخ، ننگرهار، کندهار، کندوز او فراه) کې څیړنیزو څاګانو کیندل پروژو له خصوصي شرکتونو سره د پارلمان یو شمیر غړو او د دی وزارت یو شمیر ریسانو په شتون سره هوکړه لیکونه لاسلیک شو.
د اوبو او انرژۍ وزارت سرپرست ښاغلی انجنیر محمد گل خُلمی د اوبو مدیریت اهمیت او اړتیا په اشارې سره وویل: د دې پروژو په تطبیق کولو سره د اوبو د ضایع کیدو څخه مخه ونیول شي او د اوبو مدیریت وده ومومي چې د پروژی اوبه لګونې سیمو کې د کرنې پراختیا او زموږ هیوادوالو ته د کار فرصتونو ته لاره برابروی.
د اوبو او انرژۍ وزارت سرپرست په مختلفو ولایتونو کې د څاه ګانو کیندل د ځمکې لاندې اوبو د سطحې د کچې د معلوماتو د مطالعې او تحلیل لپاره مهم وبلل.
د ښاغلي خُلمی په وینا د ۱۰ پروژو بودجه د ۲۸۸.۵ میلیونو افغانیو په ارزښت د نړیوال بانک لخوا او د کندز ولایت د ارچی کانال پروژې بودجه د ۱۳.۸ میلیونو دالرو په ارزښت د آسیا پراختیایی بانک لخوا تمویل کیږي
همدارنګه په پارلمان کې د خلکو استازو ښاغلی جاوید صافی، آغلی انیسه عمرانی، ښاغلی سید مقتدا میران او ښاغلی شاه خان شیرزاد د اوبو او انرژۍ وزارت سرپرست څخه قدردانی وکړه او د دې پروژو قراردادنه لاسلیکول د هیواد د خلکو د اقتصادی او کرنې د ودې لپاره یو اغیزمن ګام وباله.
د دې شرکتونو استازو هم ژمنه وکړه چی د دی پروژو د لوړ کیفیت او په ټاکلی وخت کې د پروژو تطبیق او ګته اخیستنی لپاره به وسپاری.
د کندهار ولایت د پنجوایی ولسوالۍ د چهاردهی او ارغنداب تالکان سواحلو تحکیم بیا رغونه، د ننګرهار ولایت د سرخ رود ولسوالۍ د شمشپور کانال بیا رغونه، د کندهار ولایت د ژرۍ ولسوالۍ د سنګسار کانال د لات ۱ او ۲ بیا رغونه، د کنر ولایت د نورګل ولسوالۍ د نورګل کانال بیا رغونه، د کندز ولایت د ارچی کانال بیا رغونه، د بلخ ولایت په مزارشریف ښار کې د ۲۰ څیړنیزو څاګانو کیندل، د ننګرهار ولایت په جلال آباد ښار کې د ۱۵ څیړنیزو څاګانو کیندل، په کندهار ولایت کې د ۱۶ څیړنیزو څاګانو کیندل او په فراه ولایت کې د ۱۶ څیړنیزو څاګانو کیندل پروژو دی چی له خصوصي شرکتونو سره قرارداد شوی. د پروژو د تطبیق کیدو سره د سلګونو هکتارو کرنیزو ځمکو د سیلابونو له خطر څخه خوندي کوی. او ۱۷۵۶۷ هکتارو خړوبه کیږی. همدارنګه په بلخ، ننگرهار، کندهار او فراه ولایتونو کې د ځمکې لاندې اوبو حالت به هم مطالعه شي.