په بغلان ولایت کې د یوه ګبیوني دېوال د جوړولو پروژه د 134000 امریکایي ډالرو په ارزښت پرانیستل شوه
د بغلان ولایت د خنجان ولسوالي په ترکانو کلي کې د یوه ګبیوني دېوال د جوړولو پروژې عملي چارې د یو سلو څلور دېرش زره (134000) امریکایي ډالرو په ارزښت د بغلان ولایت والي محترم مولوي عبدالرحمن حقاني، د بغلان سیندیزې فرعي حوزې رئیس محترم مولوي محب الله عادل او یو شمېر نورو سیمه ییزو مسئولینو په شتون کې پیل شوې.
د یادونې وړ ده، چې نوموړې پروژه د 1530 متره په اوږدوالي او 4 متره پلنوالي سره د FAO مؤسسې په مالي ملاتړ ترسره کېږي چې ګڼ شمېر هېوادوالو ته پکې د کار زمینه چمتو شوې ده او کابو 120 جریبه کرنیزه ځمکه به د سیلابونو له خطر څخه خوندي شي.
