په دایکنډي ولایت کې د اوبیزې برېښنا د د تولید د دوو دستګاوو د بیارغونې لومړنۍ سروې ترسره شوه
د پورتني کندز(بامیان) سیندیزې فرعي حوزې مسؤلینو په دایکنډي ولایت کې د سرقول موم سنګ او غره لیچ اوبیزې برېښنا د تولید دستګاوو د بیارغونې لومړنۍ سروې ترسره کړه.
د نوموړو اوبیزو برېښنا د د ستګاوو د تجهیزاتو په بیارغونې سره به په دایکنډي ولایت کې څه باندې ۳۵۰ کورنۍ له برېښنا څخه برخمنې شي.
همدارنګه د نوموړې حوزې مسؤلینو د دایکنډي ولایت د مرکز ولسوالي په هیژدي کلي کې د یو ځای د کوچني اوبیز پوټانشیل (MHP) د کابو ۵۰ کیلو واټ برېښنا په وړتیا تثبیت کړه.
په ورته مهال، د دایکنډي ولایت د انرژي ولایتي څلورمه ناسته د پورتني هلمند(دایکنډي) سیندیزې فرعي حوزې ریاست تر مشري لاندې د ولایت مقام او د اقتصاد، د کلیو د بیارغونې، صنعت او سوداګري، چاپيریال ساتنې او برېښنا ریاستونو او د مرکز زون(بامیان) د انرژي د تنظیم آمریت د استازو په شتون کې ترسره او د دایکنډي ولایت د برېښنا سکتور د اړوندو موضوعاتو په هکله بحث او د اندونو تبادله وشوه.
