په غزني ولایت کې د څلورسوه زره(400000) امریکایې ډالرو په ارزښت د یو کانال، یو سربند او پنځه استنادي دېوالونو پروژې ګټې اخیستنې ته وسپارل شوې
نوموړې پروژې د غزني والي الحاج حافظ محمد امین عمري، د غزني سیندیزې فرعي حوزې د ولاړو اوبو ریاست رئیس مولوي محمد شفیق منصورعمر، د اقتصاد رئیس مولوي نادرشاه شریف او د یاد ولایت د یو شمیر قومي مشرانو په شتون کې ګټې اخیستنې ته وسپارل شوې.
په نوموړو پروژو کې د 2000 مترو په اوږدوالي د پنځو استنادي دېوالونو، د 500 مترو په اوږدوالي د قره باغي کانال او د یو سربند جوړول شاملي دي، چې د غزني ولایت په مرکز او واغظ او اندړو ولسوالیو کې د څلورسوه زره(400000) امریکایې ډالرو په ارزښت د ملګرو ملتونو د خوړو او کرنې سازمان په مالي ملاتړ، د غزني سیندیزې فرعي حوزې ترڅارنې لاندې پلي شوې دي، چې زرګونه جریبه کرنیزې ځمکې به خړوبې او د سیلابونو له ګواښ څخه خوندي شي.
