په غور ولایت کې د شپږو پروژو لومړنۍ سروې ترسره شوه
د اوبو او انرژي وزارت تخنیکي ټیم غور ولایت ته د یوه سفر په ترڅ کې د پورتني هریرود- غور سیندیزې فرعي حوزې رئيس محترم ملا رحمت الله اماني په ملتیا د یاد ولایت مرغاب ، چهار سدې او تیورې ولسوالیو ته د مرغاب پر سیند باندې د برېښنا د تولید بند د جوړولو ، د سرپتګ برېښنا د تولید او آبګردان بند، د مرغاب سیند د سواحلو تحکیم، ، د غلمین سرتګاب بند، د جوزچارکانال او د څښاک او زراعتي اوبو د برابرولو پروژې د لومړنۍ سروې په موخه سفر وکړ.
یاد تخنیکي ټیم د نوموړو بندونو،کانال، د مرغاب سیند د سواحلو تحکیم او د څښاک او زراعتي اوبو د برابرولو پروژې لومړنۍ سروې ترسره کړه.
ټاکل شوې ده چې د نوموړو شپږو پروژو د لومړنۍ سروې مطالعات د نورو اقداماتو د ترسره کولو لپاره د اوبو او انرژي وزارت له رهبري سره شریکې شي.
