په ننګرهار ولایت کې د اتیا(80) زره امریکایې ډالرو په ارزښت د شپږو(6) کاریزونو د بیارغونې چارې پرانیستل شوې
د ننګرهار ولایت په روداتو، خوږیاڼیو او چپرهار ولسوالیو کې د اتیا(80) زره امریکایې ډالرو په ارزښت د شپږو کاریزونو د بیارغونې چارې د ننګرهار والي محترم حاجي ملا محمد نعیم آخند، د ننګرهار سیندیزې فرعي حوزې رئیس محترم سید فضل احد هاشمي او ګڼ شمیر نورو سیمه ییزو مسئولینو او قومي مشرانو په شتون کې پرانیستل شوې.
د نوموړو پروژو په پرانیست غونډه کې د ننګرهار سیندیزې فرعي حوزې رئیس وویل، چې نوموړې پروژې د دریو میاشتو په موده کې د پانیک شرکت له لوري پلي کيږي، چې موخه یې د یادو ولسوالیو اوسیدونکو ته د څښاک پاکو اوبو رسول دي.
د یادونې وړ ده، چې نوموړې پروژې د یونیسکو سازمان په مالي ملاتړ پلي کیږي، چې د چارو په بشپړېدو سره به یې ګڼ شمیر کورنیو ته د څښاک پاکې اوبه ورسیږي او زرګونه جریبه کرنیزې ځمکې به خړوبې شي.
