په نیمروز ولایت کې د لښکري کانال د فرعي ویالو د دروازو د رغولو چارې پیل شوې
د نیمروز فرعي سیندیزي حوزي ریاست له خوا د لښکري کانال د فرعي ویالو د دروازو د رغولو چارې د یاد ریاست د رئیس مولوي سید محمد ولي آغا او د یاد ریاست د تخنیکي ټیم په شتون کې پیل شوې.
همدارنګه، د یاد ریاست لخوا ټولو کروندګرو ته سپارښتنه وشوه چې د اوبو د بې ځایه مصرف څخه ډډه وکړي ترڅو د اوبو مدیریت په سمه توګه ترسره شې.
د یادولو وړ ده چې د یادو ویالو د دروازو تخنیکي سروې مخکې ترسره شوې وه او اوسمهال یې د رغولو عملي چارې پیل او د حقابه د تنظیم او وېشلو لپاره چمتو کېږي.
