په هرات ولایت کې د ګبیونی ۳ تحکیمات پروژو تړونونو لاسلیک شو.
د اوبو سرچینو مدیریت درې پروژو (د ګبیونی تحکیمات) د تطبیق کولو تړونونو د اوبو او انرژۍ وزارت سرپرست ښاغلی انجنیر محمد گل خُلمی او د هرات ولایت والی ښاغلی عبدالقیوم رحیمی په حضور سره د ۲۹ ملیونه افغانۍ په ارزښت د اوبو او انرژۍ وزارت او د هرات ولایت د انجیل، پشتون زرغون او د کشک کهنه ولسوالیو د سیمه ییزو شوراګانو مسوولانو ترمنځ لاسلیک شو.
د اوبو او انرژۍ وزارت سرپرست د تړونونو د لاسلیک کولو پرمهال وویل چې د دی پروژو د پلي کیدو پرمهال د هرات ولایت د بیلابیلو ولسوالیو اوسیدونکي لږ تر لږه ۴۰۰۰۰ تنو ته د کار زمینه مساعد کیږی. ښاغلی خُلمی زیاته کړه: د اوبو او انرژۍ وزارت د اوسني اوبو کارولو او د ځمکې لاندې اوبو غوره مدیریت لپاره جدي کار کوي. د اوبو او انرژۍ وزارت سرپرست ټینګار وکړ چې په راتلونکي کې نورو پروژو د هرات ولایت د سیمه ییزو شوراګانو له لارې به پلې شي. په ورته وخت کې، د سیمه ییزو شوراګانو مسوولانو چې دغو پروژو پلي کوي ټینګار کوي دوی د وداني کار کیفیت ته جدي پاملرنه به وکړي. په تړونونو کې د هرات ولایت د انجیل ولسوالی د خان شاه کلي د سواحلو تحکیم ، د پشتون زرغون ولسوالۍ د قلعه رود فشکان د سواحلو تحکیم او د کشک کهنه ولسوالۍ د امام بند د سواحلو تحکیم شامل دی چی شاوخوا د30 ملیونه افغانۍ په لګښت تطبیق کیږی.
