په پکتیکا ولایت کې د لويه وسته چکډم د جوړولو سیمه قراردادي شرکت ته وسپارل شوه
د پکتیکا ولایت د ګوملې سیندیزې فرعي حوزې مسؤلینو د یاد ولایت په ډیله ولسوالي کې د لويه وسته چکډم د جوړولو سیمه قراردادي شرکت ته وسپارله.
د نوموړي چکډم د جوړولو قرارداد د آخندزاده ذکي ودانیز شرکت سره د درې میلیون، اوه سوه شل زره، نه سوه شپږ اعشاریه نه نوي(3720906.99) افغانیو په ارزښت لاسلیک شوی دی.
نوموړی چکډم د اوبو او انرژي وزارت په مالي لګښت سره په خاورینه توګه جوړیږي، چې 85 متره اوږدوالی، 6 متره لوړوالی، په تهداب کې 30 متره او په سر کې 3 متره سور به ولري او 235700 متره مکعب اوبه به زیرمه کړي.
