په کاپيسا ولايت کې د څه د پاسه ١٥٠ زره امريکايي ډالرو په ارزښت د څلورو پروژو د جوړولو کار پيل شو
د کاپيسا د سیندیزې فرعي حوزې رئیس انجنير کاوه خروش له خپل تخنيکي ټيم سره د کاپيسا سیندیزې فرعي حوزې تر څارنې لاندې په دغه ولايت کې د اف، ای، او مؤسسې په مالي مرسته د ١٥١ زره ١٨٢ امريکايي ډالرو په لګښت د څلورو پروژو چې د يوه کورني شرکت له خوا تر سره کیږي پیل وکړ.
په دغو پروژو کې د شېخ اب کانال د ۱۵۰ مترو په اوږدوالي د ګبیون دېوال، او د نوموړي کانال د ۳۹۲ مترو په اوږدوالي د استنادي دیوال، د ۱۸ مترو په اوږدوالي سربند، د ۹۰ مترو په اوږدوالي د سواحلو بیا رغونه، د ۲۴۰ مترو په اوږدوالي استنادي دېوال، د ۵ مترو په اوږدوالي د قل بابر پلونو جوړول، د ده بابي کانال د ۲۵۰۰ مترو په اوږدوالي او د ۱۵۰۰ مترو په اوږدوالي د صدیقي کانال پاکول.
د يادونې وړ ده، چې د يادو پروژو په جوړېدو سره به د اوبو د سرچينو د پیاوړتیا او دوامدار مديريت، د خاورې د تخريب او د کانالونو د بندېدو، د سيلابونو د مخنيوي او د لسګونه جريبه کرنيزو ځمکو د ساتنې او د کانالونو په اوږدو کې د سلګونو کورونو د ساتنې زمينه برابره شي.
