پکتیا ولایت کې د خصوصي سکتور عمده ګټې اخیستونکو لپاره د اوبو میټرونه نصب شول
د پکتیا د سیندیزې فرعي حوزې ریاست له لوري د پکتیا ولایت په مرکز ګردیز ښار کې د خصوصي سکتور عمده ګټې اخیستونکو( خصوصي پوهنتونونو، خصوصي انسټیټونو، خصوصي ښوونځیو، خصوصي روغتونونو، معدني اوبو او غیر الکولي څښاک تولید شرکتونو، ودانیزو شرکتونو، استوګنیزو بلاکونو، سوداګري پلازو، هوټلونو، حمامونو، موټر مینځلو ځایونو) ته د اوبو میټرونه نصب شول.
په دغه پروسه کې له اوبو څخه ګټه اخستونکو ته د اوبو د ارزښت او له اوبو څخه د سالمې او معقولې ګټې اخیستنې په اړه عامه پوهاوی هم ورکړل شو.
ټاکل شوې ده، چې په نږدې راتلونکي کې یاده لړۍ ولسوالیو کې هم پیل شي.
