پکتیکا ولایت کې د پنځو پراختیایي پروژو چارې د څه باندې ۱۸میلیونه افغانیو په لګښت روانې دي
د پکتیکا ولایت په جانيخېلو، سرحوضه او خیرکوټ ولسوالیو او مرکز ښرنه کې د خنجکي چکډم، د شاتوري کلي کاریز، سره پنګه کلي سربند، د چیني کلي استنادي دېوال او د پلتوني سربند،کانال او استنادی دېوال د پروژو چارې د ۱۸ میلیونه، ۴۵۸ زره او ۹۸۶ افغانیو په لګښت روانې دي.
د پکتیکا ولایت د ګوملې د اوبو او انرژي ریاست رئيس محترم قاري فتح محمد ذاکر او ورسره مل تخنیکي ټیم د نوموړو پروژو د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
په نوموړو پروژو ګڼ کې شمېر کسانو ته د کار زمینه چمتو شوې او چارې یې به ترتیب سره ۱۰، ۵۰، ۹۰، ۶۰ او ۷۰ سلنه پرمخ تللې دي.
همدارنګه، د نوموړي ریاست مسؤلینو د نعمت آباد ولسوالي په کندهاري کلي کې یو سټاف ګیچ نصب کړ.
