کاپيسا ولایت کې ۱۲ پروژې د څه باندې ۵۸۰ زره ډالرو په ارزښت ګټې اخیستنې ته وسپارل شوې
کاپيسا ولایت کې ۱۲ پروژې چې پکې ۱۴۰۸ متره ګابیون کاري، ۶۳۱ متره د سیند غاړو تحکیمات او ۵۰ متره د سربند پخونه شاملې وي د پنځه سوه اتیا زره، اووه سوه او څلوېښت(۵۸۰۷۴۰) آمریکایي ډالرو په ارزښت د کاپيسا مرستیال والي محترم شیخ اسدالله سنان، د ملګرو ملتونو د خوړو او کرنې سازمان( اف اې او) دفتر عمومي مسؤل محترم ریچارد او یو شمېر نورو سیمه ییزو مسؤلینو په شتون کې ګټې اخیستنې ته وسپارل شوې.
په دغو پروژو کې د ده بابي، نورالدین خیلو، قول پرچاو، بادام علي او د بول غین سیلبر تحکیمات او د تولات کانال، د میره خیل کلي، د پایکو کلي استنادي دیوال، د بهلول خیلو کلي، د شکر خیلو کلي استنادي دیوال، د تګاب ولسوالي د ادې زائیو کلي استنادي دیوال سنگ کاري او همدارنګه د آله سای ولسوالي د پرادور کلي ګابیوني دیوال جوړول شامل وو، بشپړ او ګټې اخیستنې ته وسپارل شوې.
د دغو پروژو ګټې اخیستنې په غونډه کې د اف اې او دفتر عمومي مسؤل وویل چې هغه څلور پروژې چې په ۲۰۲۳ کال کې ټاکل شوې وي، خو پلي نه شوې په ۲۰۲۴ کال کې په پلي شي.
د یادونې وړ ده، چې نوموړې پروژې د اف اې او سازمان په مالي ملاتړ د کاپيسا سیندیزې فرعي حوزې په مربوطاتو کې د کاپیسا کهنه شرکت له لوري د لسو میاشتو په موده کې پلي او ګټې اخیستنې ته وسپارل شوې.
