کندز ولایت کې د بزګرانو د ځان بسیاینې تر سرلیک لاندې غونډه جوړه شوه
د پنج آمو سیندیزې حوزې عمومي رئيس محترم مولوي عبدالحکیم حاجي حکمت د کندز ولایت په قلعه ذال ولسوالي کې د بزګرانو د ځان بسیاینې تر سرلیک لاندې غونډه د نوموړي ولسوالي د ولسوال محترم مولوي عبدالخالق ابراهیم، میرابانو، قومي مشرانو او بزګرانو په شتون کې جوړه کړه.
په دغه غونډه کې د پنج آمو سیندیزې حوزې عمومي رئیس د بزګرانو د ځان بسیاینې سیستم د تګلارې په هکله اړین توضیحات وړاندې کړل او زیاته یې کړه، چې ددغه سیستم له لارې به بزګران وکولای شي، چې خپلې ستونزې په عاجله توګه هوارې کړې او د کانالونو اړوند ستونزې به د راټولو شویو پیسو په واسطه د یادې ولسوالي له ولسوال او سیندیزې حوزې سره په همغږۍ په عاجله توګه هوارې شي.
