کندز ولایت کې د چهار درې عمومي کانال د ۳۰ دروازو د بیارغونې چارې د ۶ سوه زره افغانیو په لګښت پیل شوې
د کندز ولایت د چهار درې ولسوالي د عمومي کانال د ۳۰ دروازو د بیارغونې چارې د ۶ سوه زره افغانیو په لګښت د پنج آمو عمومي حوزوي رئيس محترم مولوي عبدالحکیم حاجي حکمت او یو شمېر نورو مسؤلینو په شتون کې پیل شوې.
د نوموړي کانال د دروازو د بیارغونې چارې د ډي. اي. آی موسسې په مالي لګښت د پنج آمو عمومي حوزوي ریاست تر څارنې لاندې پرمخ وړل کېږي.
د یادونې وړ ده، چې نوموړی کانال د ۵۵ فرعی دروازو په درلودلو سره د ۱۲۰ زره جریبه ځمکې د خړوبولو وړتیا لري.
