کنړ ولایت کې د یوه تحکیماتي دېوال جوړولو پروژې چارې د نږدې شپږ نیم میلیونه افغانیو په لګښت پيل شوې
د کنړ ولایت د منورې ولسوالي په امینآباد کلي کې د یوه تحکیماتي دېوال جوړولو پروژې چارې د ۶ میلیونه، ۴۵۷زره او ۲۲۴ افغانیو په لګښت پیل شوې.
نوموړی تحکیماتي دېوال د ۴۸۰ متره په اوږدوالي سره جوړیږي، چې چارې به یې د شپږو میاشتو په موده کې بشپړې او ګټې اخیستنې ته وسپارل شي.
نوموړې پروژه د اوبو او انرژي وزارت له لوري یوه کورني شرکت ته په قرارداد ورکړل شوی او څارنه یې د کنړ د اوبو او انرژي ریاست له لوري ترسره کېږي.
