په سندیزو حوزو کې هایدرولوژيکي شبکې د پرمختګ په حال کې دي.
د اوبو د چارو د تنظيم ملي ادارې د پلان له مخې د اوبو سرچينو د ښه مديريت او دوامداره څارنې لپاره د هېواد په سينديزو حوزو کې د هايدرولوژيکي شبکې پراختيا په لويو سيندونو او همدارنګه د نوموړو سيندونو په عمده شاخو جريان لري؛ له نېکمرغه د پلان لاندې سټېشنونو له ډلې څخه تر اوسه ٢٥ هايدرولوژيکي اوتوماتيک سټېشنونه د اوبو د سرچينو لوی رياست اړوند ګرڅنده ټيم (Mobile Team) پواسطه او سينديزو حوزو په همکارۍ په هلمند، کابل او همدارنګه هريرود مرغاب سينديزو حوزو کې نصب او ګتي اخيستني ته سپارل شوى دي.
له دې ډلې ٧ سټېشنونه په هريرود مرغاب سينديزه حوزه کې، ١٢ سټېشنونه د هلمند عمومي سينديزه حوزه کې او همدارنګه ٦ سټېشنونه د کابل سينديزې حوزې کې نصب او ګتي اخيستني ته سپارل شوي دي.
د هيواد په فرعي سينديزو حوزو کې د سټېشنونو پراختيا او نصب سره د اوبو دقيق موجوديت، پوتنشيل او د اوبو توازن تر لاسه شوی دی.
همدارنګه د هايدرولوژيکي ارقامو څخه د هيواد په عام المنفعه پروژو کې په پراخه پيمانه ګټه اخيستل کيږي.
د یادونې وړ ده چې د دې سټېشنونو رغونه د نړیوال بانک په مالي مرسته د اوبو برنامو د انسجام رياست د IRDP پروژې له لارې د قراردادي شرکتونو لخوا مخ ته وړل کيږي.
د دې سټېشنونو لګول، فعالول، ګټه اخيستنه، تخنيکي او فني چاري يې د اوبو د چارو تنظيم ملي ادارى د ګرځنده ټيم (Mobile Team) پواسطه ترسره کيږي.
په داسې حال کې چې مخکې دا ډول فعالیتونه د امریکایي سټرون نړیوال شرکت لخوا د 2007 او 2012 کلونو تر مینځ ترسره کېدل.
یاده دې وي چې د نورو پاتې سټېشنونو لګول او ګټه اخيستنې ته سپارل جریان لري.