ارزګان ولایت کې د آغاجان او شفلوغ د اوبو ذخیروي بندونو څخه لیدنه وشوه
د ارزګان والي، د ترینکوټ سیندیزې فرعي حوزې رئیس او د ارزګان ولایت مقام د دفتر رئیس د یاد ولایت په چنارتو ولسوالي کې د آغاجان او شفلوغ د اوبو ذخیروي بندونو څخه لیدنه وکړه.
د یادې لیدنې پر مهال، د ترینکوټ سیندیزې فرعي حوزې رئیس د نوموړو بندونو په هکله د ارزګان والي ته بشپړ معلومات وړاندې کړل او زیاته یې کړه، چې د نوموړو بندونو په جوړولو سره به په ارزګان ولایت کې د سیلابونو په کنترول، د کرنې لپاره د اوبو چمتو کولو او د ځمکې لاندې اوبو کچې د لوړولو په برخه کې رغنده رول ولري.
د ارزگان والي هم د نوموړو بندونو ارزښت ته په اشارې سره د ورته نورو ملي پروژو پر پلي کیدو باندې ټینګار وکړ.
