افغانستان د مرکزي او سویلي آسیا د انرژي د نښلولو نقطه
د کاسا پروژې د غونډو په دوام کې - د اوبو او انرژي وزارت سرپرست ښاغلی انجنیر محمد گل خُلمی، د افغانستان برښنا شرکت رییس ښاغلی انجنیر امان الله غالب او د نړیوال بانک استازو ترمنځ په جلا غونډې کې د مرکزي او سویلي آسیا سره د انرژي سکتور په برخه کې د افغانستان د نښلولو څرنګوالي په اړه خبرې اترې وکړی.
په دې ناسته کې، د نړیوال بانک استازو خبرداری ورکړ چې د مرکزي او سویلي آسیا هیوادونو سره د افغانستان د نښلولو څرنګوالي مطالعاتو په موخه کمپنی استخدام کړي ده. د اوبو او انرژي وزارت سرپرست ښاغلی انجنیر محمد گل خُلمی په داسې حال کې چې په افغانستان کې د نړیوال بانک د فعالیتونو څخه ستاینه وکړه ، د پورته یاد شوي موخو ترلاسه کولو لپاره پر دوامداره همکاریو ټینګار وکړ.
