تخار ولایت کې د دوو سربندونو تحکیم کاري او د درې کانالونو پاکاري د ۶۰۰ زره افغانیو په ارزښت ترسره شوه
د تخار ولایت په مرکز او چال او فرخار ولسوالیو کې د دوو سربندونو تحکیم کاري او د چشمه ګرمک، مزار شیخ او شور آب کانالونو پاکاري د ۶۰۰ زره افغانیو په ارزښت ترسره شوه.
د نوموړو سربندونو تحکیم کاري او د کانالونو پاکاري د تالقان سیندیزې حوزې تر څارنې لاندې د ایف، اې، او دفتر په مالي ملاتړ ترسره شوه، چې د هغوي د پاکاري او تحکیم کاري په ترسره کېدو سره د ۱۶۱۰۰ جریبه کرنیزې ځمکې د خړوبولو لپاره زمینه چمتو شوې ده.
همدارنګه د نوموړې حوزې مسؤلینو د نوموړي دفتر د مسؤلینو په همکاري سره د تخار ولایت په چال ولسوالي کې د زنبورک کانال د سربند او خانقاه تخنیکي سروې چې د وروستیو سیلابونو د راوتلو له کبله په بشپړ ډول ویجاړ شوي، ترسره او په نږدې راتلونکي کې به یې بسنټیزې چارې پیل شي.
