خوست ولایت کې د ۸ کاریزونو د بیارغونې چارې د 74 زره ډالرو په ارزښت پيل شوې
خوست ولایت کې د ۸ کاریزونو د بیارغونې چارې د 74 زره ډالرو په ارزښت د شمل- خرم سیندیزې فرعي حوزې د رئيس محترم مولوي عبدالقیوم ثابت، د خوست د والي د دفتر د رئيس محترم قاري رحمت الله سوبمن او یو شمېر نورو مسؤلینو او قومي مشرانو په شتون کې پیل شوې.
د نوموړو پروژو په پرانیست غونډه کې د شمل- خرم سیندیزې فرعي حوزې رئيس د اوبو د ارزښت په هکله خبرې وکړې او زیاته یې کړه، چې د دغو پروژو د چارو په بشپړېدو سره به د اوبو د کچي په اندازه کې د پام وړ زیاتوالی راشي او په سلګونه جریبه ځمکه به خړوبه شي.
نوموړې پروژې د خوست ولایت د مرکز په ګډون په نادر شاه کوټ، موسی خېلو، باک او صبریو ولسوالیو کې د اس، ټي، اف، اې موسسې په مالي لګښت د شمل- خرم سیندیزې فرعي حوزې تر څارنې لاندې پلي کېږي او چارې به یې د څلورو میاشتو په موده کې بشپړې او ګټې اخیستنې ته وسپارل شي.
