د لوګر ولایت د خدر عمومي کانال د پاتې برخې د لاینینګ په هکله خبرې وشوې
د لوګر سیندیزې فرعي حوزې رئيس محترم ملا محمد اسماعیل آخندزاده د یو، این، ایف، ای، او موسسې د پکتیا زون له استازو سره د لوګر ولایت د خدر عمومي کانال د پاتې برخې د لاینینګ په هکله بحث او د اندونو تبادله وکړه.
همدارنګه په دغه ناسته کې په لوګر ولایت کې د اوبو د مدیریت په برخه کې د پروژو د ښه تطبیق په هکله هم خبرې، اترې وشوې او د نوموړي کانال څخه لیدنه وشوه.
د یادونې وړ ده، چې د نوموړي کانال په جوړېدو سره به لسګونه جریبه ځمکه خړوبه او د اوبو د ضایعاتو څخه هم مخنیوی وشي.
