د اسلامي اصولو پر بنسټ د صورت او سیرت د اصلاح په هکله د اوبو او انرژي په وزارت کې د امر بالمعروف او نهي عن المنکر وزارت د مسئولینو له لوري یوه غونډه ترسره شوه
یاده غونډه د امر باالمعروف او نهي عن المنکر وزارت د څارنې او ارزونې رئیس محترم مولوي فضل ربي، د اوبو او انرژي وزارت د دعوت او ارشاد رئیس محترم مولوي ګل رحمن عارف او یو شمیر نورو مسئولینو او د یاد وزارت د ګڼ شمیر کارمندانو په ګډون ترسره شوه.
په یاده غونډه کې د امر باالمعروف او نهي عن المنکر وزارت د څارنې او ارزونې رئیس په ټولنه کې د امر باالمعروف او نهي عن المنکر د ارزښت او د یاد وزارت د موخو په هکله وینا وکړه او زیاته یې کړه چې د نوموړي وزارت موخه په ټولنه کې د سمون راوستل دی.
همدارنګه، د امر باالمعروف او نهي عن المنکر وزارت د څارنې او ارزونې رئیس له امراو څخه پر اطاعت او له منکراتو څخه پر ځان ساتلو باندې ټینګار وکړ او زیاته یې کړه چې ټول کارمندان باید خپل سیرت او صورت د اسلامي شریعت له اصولو سره برابر کړي.
