د اسیا پراختیايي بانک مسؤلینو سره د اوبو مدیریت پروژو تطبیق او راتلوونکو پلانونو په اړه د همغږۍ ناسته تر سره شوه.

MEW-Media
پنجشنبه ۱۴۰۰/۲/۱۶ - ۹:۳۶
725

د اسیا پراختیايي بانک مسؤلینو سره د اوبو مدیریت پروژو تطبیق او راتلوونکو پلانونو په اړه د همغږۍ ناسته تر سره شوه.

د اوبو چارو د تنظیم ملي ادارې عمومي رئيس ښاغلي انجنیر خان محمد تکل چې د برنامو مدیریت د مرکزي دفتر رئيس انجنیر سید مقیم سادات هم ګډون درلود د یوې انلاین جلسې په ترڅ کې د اسیا پراختیايي بانک مسؤلینو سره په هېواد کې د اوبو مدیریت پراختیايي پروژو د تطبیق او په افغانستان کې د دغه بانک د ۲۰۲۱ کال څخه تر ۲۰۲۴ کال پورې پراختیايي پلانونو په اړه هر اړخیز بحث وکړ.

دغه ناسته چې د مختلفو ادارو( د اوبو چارو د تنظیم ملي اداره، روغتیا وزارت، کرنې وزارت، د کلو پراختیاي وزارت، ترانسپورټ وزارت، رېل پټلۍ...) ګډون درلود په افغانستان کې د ADB د ۲۰۲۱ څخه تر ۲۰۲۴ کال پورې پلانونو په اړه بحث او د نظرونو تبادله وشوه.

د اوبو چارو د تنظیم ملي ادارې رهبرۍ لخوا د اسیا پراختیايي بانک مسؤلینو څخه د ځمکې لاندې اوبو د سرچینو پياوړتیا، د کابل پنجشیر پايپ لین او د اوبو لګولو یو شمېر پروژو د ژر تطبیق غوښتنه وکړه، چې د اسیا پراختیايي بانک لخوا د یو شمېر شرایطو په اېښودلو سره د اوبو چارو د تنظیم ملي ادارې غوښتنه ومنل شوه او په دغه برخه کې د همکارۍ ډاډ ورکړ.

په دغه ناسته کې یو مهم بحث دا وو چې د اسیا پراختیايي بانک او د افغانستان د مالې وزارت لخوا وویل" هر هغه اداره چې په خپلو چارو کې ښه وځلېده او کارونه یې په ښه کیفیت او په خپل وخت تر سره کړل، د نورو ادارو پنډ به هماغه ادارې ته ورکول کیږي" له نېکمرغه چې د اوبو چارو د تنظیم ملي ادارې رهبرۍ وکولی شول چې د تېرو پروژو په تطبیق کې بارز رول ولوبوي او پروژو په ښه کیفیت او په خپل وخت تطبیق کړي.

د یادونې وړ ده چې د اسیا پراختیايي بانک(ADB) تر اوسه پورې د اوبو چارو د تنظیم ملي ادارې په چوکاټ کې تر ۷۰۰ میلیونه امریکايي ډالرو په شاو خوا کې مرسته کړې او په راتلوونکي کې یې د نورو همکاریو ډاډ راکړی.

د افغانستان د اوبو چارو د تنظیم ملي ادارې مشرتابه د اسیا پراختیايي بانک له دومداره او هر اړخیزو همکاریو څخه د زړه له تله مننه کوي او د اوبو مدیریت پراختیايي پروژو په برخه کې د لا ډيرو همکاریو هیله لري.

د اوبو چارو د تنظیم ملي اداره

تازه خبرونه

شنبه ۱۴۰۱/۵/۲۲ - ۱۱:۵۶
Background image

د غوربند- چاریکار سیندیزې فرعي حوزې رئيس او د پروان ولایت والي د ګلبهار سربند د اوبولګولو پروژې څخه لیدنه ترسره کړه

 

 

 د غوربند- چاریکار سیندیزې فرعي حوزې رئيس ښاغلي انجنیر مجیب الرحمن حبیبي او د پروان ولایت والي ښاغلي مولوي عبیدالله امین زاده د ګلبهار سربند د اوبو لګولو پروژې څخه لیدنه ترسره کړه. . .

شنبه ۱۴۰۱/۵/۲۲ - ۱۰:۲۶
Background image

په کنړ ولایت کې د اړونده وزارتونو او برېښنا عمومي ریاست استازو د برېښنا د دوو پروژو چارې له نږدې څخه وڅېړلې

د اوبو او انرژي وزارت، د ټولګټو چارو وزارت، د کلیو پراختیا وزارت او د برېښنا عمومي ریاست استازو کنړ ولایت ته په يوه سفر...

پنجشنبه ۱۴۰۱/۵/۲۰ - ۱۸:۳
Background image

د اوبو او انرژي په سکتورونو کې د ملي او نړیوالو خصوصي پانګونو د جذب او هڅونې کنفرانس ترسره شو

 

 

یاد کنفرانس د ریاست الوزرا اقتصادي مرستیال ښاغلي ملا عبدالغنی برادر، د اوبو او انرژي وزارت سرپرست وزیر ښاغلي ملا عبداللطیف منصور، د کانونو او پترولیم وزارت سرپرست وزیر ښاغلي شیخ. . .

بیرته تګ

User account menu