د افغانستان اسلامي امارت د اوبو او انرژي وزارت وزیر ښاغلي الحاج ملا عبداللطیف منصور د افغانستان اسلامي امارت له سفیر مولوي ګل حسن حسن سره په مسکو کې وکتل
د افغانستان اسلامي امارت د اوبو او انرژي وزارت وزیر ښاغلي الحاج ملا عبداللطیف منصور، چې د روسیې د انرژۍ د اونۍ فورم د ګډون په موخه مسکو ته تللی، د افغانستان اسلامي امارت له سفیر ښاغلي مولوي ګل حسن حسن سره د افغانستان د سفارت په انګړ کې وکتل.
په دغه لیدنه کې دواړو لوریو د متقابل احترام، همکارۍ او د دوه اړخیزو اړیکو د پیاوړتیا په اړه خبرې وکړې. وزیر صاحب د سفارت د مسؤلینو له هڅو او خدماتو څخه ستاینه وکړه او هغوی ته یې د لا بریاوو هیله څرګنده کړه.
په مسکو کې د افغانستان اسلامي امارت سفیر مولوي ګل حسن حسن هم د اوبو او انرژي وزارت د لاسته راوړنو یادونه وکړه او څرګنده یې کړه چې د افغانستان د طبیعي زېرمو او انرژۍ د ودې لپاره د نړیوالو همکاریو پراختیا یو مهم ګام دی.
