د انرژي معینیت اداري ناسته د یاد معینیت د څو اړینو موضوعاتو د څېړنې په موخه ترسره شوه
یاده ناسته د اوبو او انرژي وزارت د انرژي معین محترم ملا عبدالقاهر ادریس تر مشري لاندې د رئيسانو او د یاد معینیت د ټولو تخنیکي مسؤلینو په ګډون ترسره شوه.
په یاده ناسته کې د څو اړینو موضوعاتو په ځانګړې توګه د انرژي سکتور د پنځه کلن پلان د هر اړخیزوالي، د یاد پلان د ښه والي په موخه د تخنیکي کمیټو د رامنځته کولو، د انرژي زونونو لپاره د بودجوي پلان د رامنځته کولو او همدارنګه د پایښت لرونکي انرژي د نورو بېلابېلو موضوعاتو د پراختیا او پیاوړتیا په هکله بحث او د اندونو تبادله وشوه.
د اوبو او انرژي وزارت د انرژي معین محترم ملا عبدالقاهر ادریس د ناستې د غړو د اندونو تر آورېدلو وروسته، د انرژي سکتور د پراختیا په برخه کې د اغېزمنو هڅو او د چارو پر چټکتیا باندې ټینګار وکړ او اړوندو مسؤلینو ته یې مشخصې دندې و سپارلي.
