د انرژي معینیت اونیزه تخنیکي او اداري ناسته ترسره شوه
دغه ناسته د دفتر عمومي رئيس او د انرژي معینیت د غونډو وارسي کوونکي محترم قاري محمد عبدالعزیز عزیز تر مشري لاندې د رئيسانو، سلاکارانو او د دغه معینیت د یو شمېر نورو تخنیکي مسؤلینو په ګډون ترسره شوه.
په دغه ناسته کې د انرژي په برخه کې د څو مهمو موضوعاتو لکه، د شورابک بند د سپارلو او د بدخشان انرژي له شرکت سره د همغږي، د فاریاب ولایت د پښتون کوټ، بلچراغ او ګرزیوان ولسوالیو د برېښنا ستونزو د هوارولو، د هېواد د برېښنا شبکې د پراختیا استراتیژي او د انرژي پروژو اړوند یو شمیر نورو موضوعاتو په هکله بحث او د اندونو تبادله وشوه.
د نوموړو موضوعاتو په هکله تر بحث او د اندونو تر تبادلې وروسته، اړینې پریکړې وشوې او د لازیاتو همغږیو په موخه اړوندو مسئولینو ته اړینې سپارښتنې وشوې.
