د اوبو او انرژي سرپرست وزیر هرات ولایت ته په سفر ولاړ.
د ا.ا.ا د اوبو او انرژي سرپرست وزیر الحاج ملا عبداللطیف "منصور" د خپلو ولایتي سفرونو په لړ کې نن د جمعې په ورځ د هرات ولایت ته ورسېده. نوموړي لمړی د جمعې لمونځ له ګڼ شمېر هیوادوالو سره یو ځای ادا کړ، له لمانځه ادا کولو وروسته یې له عامو هیوادوالو سره په ازاده فضا کې احوال پرسي او خبرې وکړې. وروسته وزیر صاحب په داسې حال کې چې د وزارت د مقام د دفتر عمومي رئیس قاري محمد عبدالعزیز "عزیز" او د هریرود مرغاب سیندیزې حوزې عمومي رئیس مولوی سیدعبدالسلام اغا هم حضور درلود د هرات له والي محترم مولوي صاحب نوراحمد اسلام جار سره ناسته تر سره کړه چې په ترڅ کې یې دواړو لورو د هرات په ولایت کې د اوبو د مدیریت او انرژي د تولید په هکله مفصلې خبرې او د اندونو تبادله وکړه، ښاغلي وزیر صاحب د هرات محترم والي صاحب او د سینديزې حوزې رئیس صاحب ته ډاډ ورکړ چې متوازن انکشاف او شته امکاناتو په چوکاټ کې به د دوی د ستونزو د حل په هکله اقدامات وشي.
