د اوبو او انرژي سرپرست وزیر دیوې ناستې په ترڅ کې د وزارت یو شمیر رئیسانو او مسئولینو ته د لوی اختر مبارکي وړاندې کړه.
د اختر مبارکي دغه ناسته چې د اوبو او انرژي سرپرست وزیر محترم ملا عبداللطیف منصور، د مالیې وزارت د ګمرکونو او عوائیدو معین محترم ملا عبدالقاهر ادریس، د افغان دارالعلوم شیخ الحدیث شیخ محمد عمر فاروقی او د وزارت یو شمیر رئیسانو او کارمندانو په ګډون دائره شوې وه.
په پیل کې د اوبو او انرژي سرپرست وزیر میلمنو ته ښه راغلاست ووایۀ او ټولو ته ئې د نیکمرغه لوی اختر په مناسبت مبارکي وويله.
د اوبو او انرژي سرپرست وزیر په چارو او خدمتونو کې په اخلاص، صداقت او مسئولیت منلو باندې ټینګار وکړ؛ له ټولو کارمندانو او مسئولینو څخه یی و غوښتل چې د خپلو دندو پۀ ترسره کولو کې د قرآن کریم د هدایاتو او اسلام د سپېڅلي دین د ارشاداتو سره سمې کړنې ترسره کړي.
د اختر مبارکی دغه ناسته مسلمانانو ته د لا زیاتو بریاوو په غوښتلو او د خیر په دعا سره پای ته ورسېده.
