د اوبو او انرژي سرپرست وزیر د بادغیس له والي سره وکتل
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د بادغیس له والي محترم ملا عبدالصمد جاوید سره وکتل او په هغه ولایت کې یې د اوبو او انرژي پروژو په هکله خبرې وکړې.
په دغه لیدنه کې، د بادغیس والي د اوبو او انرژي د پراختیایي پروژو په برخه کې د هغه ولایت د خلکو ستونزې او اړتیاوې د اوبو او انرژي له سرپرست وزیر سره شریکې کړې.
د اوبو او انرژي سرپرست وزیر د بادغیس والي ته ډاډ ورکړ، چې د هغه ولایت د خلکو ستونزو ته به د دغه وزارت له لوري د شته امکاناتو په پام کې نیولو سره رسیدګي وشي.
