د اوبو او انرژي سرپرست وزیر د خپلو ولایتي سفرونو په لړ کې زابل ولایت ته په سفر ولاړ
د اوبو او انرژي سرپرست وزیر محترم الحاج ملا عبداللطیف منصور د خپلو ولایتي سفرونو په لړ کې زابل ولایت ته په سفر ولاړ او د یاد ولایت له مرستیال والي محترم مولوي محب الله حماس سره یې په کتنه کې په یاد ولایت کې د اوبو او انرژي په برخه کې د روانو پروژو د وضعیت او د نویو پروژو د پلي کولو په هکله بحث او د اندونو تبادله وکړه.
همدارنګه، د اوبو او انرژي سرپرست وزیر د زابل سیندیزې فرعي حوزې څخه د لیدنې پر مهال د یادې حوزې له رئیس او کارمندانو سره وکتل او د یادې حوزې اړوندو پروژو چارو د څرنګوالي پرمخ وړلو او راتلونکو پلانونو چمتو کولو په هکله اړینې لارښوونې وکړې.
د یادونې وړ ده، چې د اوبو او انرژي سرپرست وزیر د یاد سفر په ترڅ کې د امیرالمومنین مرحوم ملا محمد عمر مجاهد د قبر زیارت ته ولاړ او د هغه روح ته یې دعا وکړه.
