د اوبو او انرژي سرپرست وزیر د سپین زر تولیدي شرکت له رئيس سره وکتل
د اوبو او انرژي سرپرست وزیر محترم ملا عبداللطیف منصور د خپل کار په دفتر کې د سپین زر تولیدي شرکت له رئيس محترم اسدخان سره د ګازو او لمر سرچینو څخه د برېښنا د تولید په هکله خبرې وکړې.
په یاده کتنه کې، د سپین زرتولیدي شرکت رئيس د خپلو طرحو او پروپوزلونو په اړه د اوبو او انرژي سرپرست وزیر ته اړین معلومات وړاندې کړل او د وزارت له رهبري څخه یې د همکاري غوښتنه وکړه.
په ورته مهال، د اوبو او انرژي سرپرست وزیر د نوموړي شرکت د لېوالتیا ستاینه وکړه او ټینګار یې وکړ چې ډېر ژر دې درې اړخیز هوکړه لیک د اوبو او انرژي وزارت، کانونو او پټرولیم وزارت او د یاد شرکت ترمنځ لاسلیک شي؛ ترڅو اړینې همغږي رامنځته او د چارو د چټکتیا لپاره اړینې آسانتیاوي چمتو شي.
