د اوبو او انرژي سرپرست وزیر د فراه له والي سره د بخش آباد بند پروژې د چارو د وضعیت د پرمختګ او په هغه ولایت کې د اوبو او انرژي پروژو د پلي کولو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د فراه له والي محترم مولوي غوث الدین رهبر او مل پلاوي سره وکتل او د بخش آباد بند د چارو د وضعیت د پرمختګ او په هغه ولایت کې د اوبو او انرژي د لا زیاتو پروژو د پلي کولو په هکله بحث او اندونو تبادله وکړه.
په دغه لیدنه کې، د فراه والي د بخش آباد بند دچارو د وضعیت د پرمختګ په هکله اړین معلومات وړاندې کړل او په هغه ولایت کې یې د اوبو و انرژي لا زیاتو پروژو د پلي کولو غوښتنه وکړه.
د اوبو او انرژي سرپرست وزیر په دغه لیدنه کې د فراه والي ته ډاډ ورکړ، چې د شته امکاناتو او متوازنې پراختیا په پام کې نیولو سره به په هغه ولایت کې د اوبو او انرژي لا زیاتې پروژي پلي شي.
