د اوبو او انرژي سرپرست وزیر د هرات له والي سره په هغه ولایت کې د اوبو او انرژي د پروژو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د هرات له والي محترم شیخ نوراحمد اسلام جار سره وکتل او په هغه ولایت کې يې د اوبو او انرژي د پراختیایي پروژو په ځانګړې توګه د بادي برېښنا د تولید په پروژه کې د ۷۷ ترکي شرکت د کار د بهیر او د هرات په شینډنډ ولسوالي کې د بند جوړونې پروژه چې منظوري یې ترلاسه شوې، بحث او د اندونو تبادله وکړه.
د اوبو او انرژي سرپرست وزیر د هرات والي ته ډاډ ورکړ، چې شته امکاناتو ته په کتو سره به په هرات ولایت کې د اوبو د مدیریت او د انرژي د پراختیا د پروژو د پلي کولو په برخه کې رسیدګي وشي.
